តាមរយៈការសហការយ៉ាងជិតស្និទ្ធជាមួយក្រសួងសុខាភិបាល យើងធានាថាឱសថទាំងនេះទៅដល់តំបន់ និងបុគ្គលដែលត្រូវការវាច្រើនបំផុត។ ការរួមចំណែកនេះឆ្លុះបញ្ចាំងពីការប្តេជ្ញាចិត្តរបស់យើងក្នុងការលើកកម្ពស់សុខភាព និងសុខុមាលភាពរបស់សហគមន៍ និងគាំទ្រដល់គំនិតផ្តួចផ្តើមផ្នែកថែទាំសុខភាពរបស់រដ្ឋាភិបាលកម្ពុជា។
នៅថ្ងៃសុក្រ ទី២៤ ខែមករា ឆ្នាំ២០២៥ ដោយមានការអនុញ្ញាតពី ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល និងវិភាគទានពីអង្គការហ្គូដណេប៊ឺសសហរដ្ឋអាមេរិក អង្កការហ្គូដណេប៊ឺសកម្ពុជាបានបរិច្ចាគថ្នាំចំនួន ៤.២៨០ ដប មានតម្លៃ ៥៧៤.៤៣២.៤៨ ដុល្លារ ដល់ក្រសួងសុខាភិបាលនៃព្រះរាជាណាចក្រកម្ពុជា។ កិច្ចខិតខំប្រឹងប្រែងនេះមានគោលបំណងដោះស្រាយតម្រូវការសុខភាពសំខាន់ៗ និងកែលម្អលទ្ធភាពទទួលបានការព្យាបាលសំខាន់ៗសម្រាប់ប្រជាជនកម្ពុជា។ ពិធីនេះប្រព្រឹត្តទៅក្រោមអធិបតីភាព ឯកឧត្តមវេជ្ជបណ្ឌិត ហុក គឹមចេង អគ្គនាយកនៃក្រសួងសុខាភិបាល។
ការឧបត្ថម្ភនេះមានអត្ថន័យលើសពីការចែកជូនថ្នាំពេទ្រយ ព្រោះវាជាផ្នែកមួយនៃបេសកកម្មដ៏ធំរបស់ពួកយើងទាំងអស់គ្នា ក្នុងការពង្រឹងហេដ្ឋារចនាសម្ព័ន្ធថែទាំសុខភាពរបស់កម្ពុជា។ ពួកយើងជឿជាក់ថា លទ្ធភាពទទួលបានឱសថមានគុណភាព គឺជាសិទ្ធិជាមូលដ្ឋាន ហើយយើងប្តេជ្ញាគាំទ្រដល់ប្រព័ន្ធថែទាំសុខភាព ដើម្បីបម្រើប្រជាពលរដ្ឋឱ្យបានកាន់ល្អិតល្អន់ជាងមុន។ ឱសថដែលបានបរិច្ចាក មានអត្ថប្រយោជន៍លើការព្យាបាលសំខាន់ៗជាច្រើន ដែលអនុញ្ញាតឱ្យមានការថែទាំបង្ការ និងតម្រូវការសុខភាពបន្ទាន់ដែលគួរទទួលបានការពិនិត្យព្យាបាលប្រកបដោយប្រសិទ្ធភាព។
ដោយមានការគាំទ្រពីអង្គការហ្គូដណេប៊ឺសសហរដ្ឋអាមេរិក (GNU) អង្គការហ្គូដណេប៊ឺសកម្ពុជានិងក្រសួងសុខាភិបាលបន្តធ្វើការយ៉ាងសកម្មឆ្ពោះទៅរកការកែលម្អសុខភាពសាធារណៈ និងការផ្តល់ថ្នាំសង្គ្រោះជីវិតដល់អ្នកដែលត្រូវការជំនួយ។ យើងទន្ទឹងរង់ចាំបន្តកិច្ចខិតខំប្រឹងប្រែងរបស់យើងក្នុងការផ្តល់នូវធនធានថែទាំសុខភាពដ៏សំខាន់ដែលពង្រឹងហេដ្ឋារចនាសម្ព័ន្ធសុខភាពទូទៅរបស់ប្រទេស។ រួមគ្នា យើងអាចបង្កើតអនាគតដែលមានសុខភាពល្អ និងនិរន្តរភាពជាងមុនសម្រាប់ទាំងអស់គ្នា។
