កាលពីថ្ងៃទី ២ ខែសីហា ឆ្នាំ ២០២៤ ធនាគារ ខេប៊ី គូកមីន បានសហការជាមួយមជ្ឈមណ្ឌលកូរ៉េ សហ្វវែរ អេច អ ឌី និង អង្គការហ្គូដណេប៊ឺសកម្ពុជា ដើម្បីរៀបចំកម្មវិធីបើកវគ្គសិក្សាបច្ចេកវិទ្យាកម្រិតខ្ពស់ជំនាន់ទី ១២ ក្រោមវត្តមានរបស់លោកប្រធាន និងនាយកប្រតិបត្តិ លោក Lee Jae Keun ។
ធនាគារ ខេប៊ី គូកមីន បានគាំទ្រការប្រតិបត្តិវគ្គសិក្សាបច្ចេកវិទ្យា (IT) កម្រិតខ្ពស់ និងការកែលម្អមជ្ឈមណ្ឌលមជ្ឈមណ្ឌលកូរ៉េ សហ្វវែរ អេច អ ឌី ដើម្បីបង្កើតបរិយាកាសសិក្សាផាសុខភាព និងបំផុសគំនិត ចាប់តាំងពីឆ្នាំ២០២៣មកម្ល៉េះ។ បន្ថែមពីនេះ ធនាគារ ខេប៊ី គូកមីន បានផ្តល់អាហារូបករណ៍ដល់និស្សិតចំនួន ៦១ នាក់ ដែលមានសញ្ញាប័ត្រជំនាញបច្ចេកវិទ្យាពីសាកលវិទ្យាល័យក្នុងប្រទេសកម្ពុជាផងដែរ។
ឆ្នាំនេះ សិស្សនិស្សិតដែលបានខិតខំប្រឹងប្រែងរហូតបញ្ចប់ការសិក្សាវគ្គសិក្សាបច្ចេកទេសមូលដ្ឋានពីមជ្ឈមណ្ឌលកូរ៉េ សហ្វវែរ អេច អ ឌី នឹងបន្តដំណើរសិក្សារបស់ពួកគេទៅកាន់វគ្គសិក្សាបច្ចេកវិទ្យាកម្រិតខ្ពស់ដែលបំពាក់ទៅដោយជំនាញដែលកំពុងមានតម្រូវកា នៅលើទីផ្សារការងារក្នុងឆ្នាំ២០២៤នេះ រួមមានដូចជា៖ កម្មវិធីវិភាគទិន្នន័យ ប្រព័ន្ធប្រតិបត្តិមេប៉ុស្ត៍ចល័ត ប្លុកខេន ការធ្វើគម្រោងជាក្រុម និងផ្សេងៗទៀត។ តាមរយៈការធ្វើគម្រោងក្រុម សិស្សនិស្សិតនឹងទទួលបានឱកាសដើម្បីពង្រឹងជំនាញធ្វើ និងសង្គម-អារម្មណ៍របស់ពួកគេដោយការបង្កើតដំណោះស្រាយឌីជីថលទំនើបដែលអាចអនុវត្តបានដោយផ្ទាល់នៅក្នុងជីវិត ជាក់ស្តែង។ ជំនាញនេះ នឹងធ្វើឲ្យនិស្សិតចំនួន ៦០ នាក់ ក្លាយជាបេក្ខភាពលេចធ្លោសម្រាប់ ក្រុមហ៊ុនដឹកនាំ ធំៗ នាពេលនេះ ហើយនឹងបង្កើតផ្លូវទៅកាន់ភាពជោគជ័យក្នុងការងារ ទាំងនាពេលបច្ចុប្បន្ន និងអនាគត។
នៅក្នុងកម្មវិធីអ្នកតំណា ធនាគារ ខេប៊ី គូកមីន មានឡើងមានប្រសាសន៍ថា៖ “ពួកយើងនឹងចូលរួមយ៉ាងសកម្មក្នុងការដោះស្រាយបញ្ហាឌីបច្ចេកវិទ្យាឌីជីថល និងគាំទ្រការអភិវឌ្ឍន៍ទេពកោសល្យបច្ចេកវិទ្យាឌីជីថល” ហើយ “ពួកយើងនឹងបន្តគាំទ្រដល់ជនងាយរងគ្រោះក្នុងប្រទេសកម្ពុជា និងប្រទេសដទៃទៀតទូទាំងពិភពលោក ហើយ ធ្វើ ឱ្យ អស់ ពី សមត្ថភាព ដើម្បី អនុវត្ត ទំនួល ខុស ត្រូវ សង្គម សាជីវកម្ម។
ការប្រកាន់ខ្ជាប់ទៅនឹងការសន្យានេះអាចត្រូវបានបង្ហាញការខិតខំប្រឹងប្រែងរបស់ធនាគារ ខេប៊ី គូកមីន ក្នុងការជួយបញ្ជូនកុមារកម្ពុជាដែលមានជំងឺបេះដូងចំនួនជិត១០០នាក់ ទៅវះកាត់ និងព្យាបាលនៅប្រទេសកូរ៉េដោយឥតគិតថ្លៃជារៀងរាល់ឆ្នាំ ចាប់តាំងពីឆ្នាំ ២០១២។ លើសពីនោះទៅទៀត ធនាគារ ខេប៊ី គូកមីន បានសាងសង់មជ្ឈមណ្ឌលវេជ្ជសាស្ត្របេះដូងហេប្រុន (hebron) នៅក្នុងប្រទេសកម្ពុជាក្នុងឆ្នាំ២០១៤ ដែល បាន បន្ត ស្វែងរក ក្តីសង្ឃឹម ថ្មី សម្រាប់ កុមារ កម្ពុជា តាម រយៈ ការ ធ្វើ រោគវិនិច្ឆ័យ និង ការ ព្យាបាល ទាន់ ពេល។
